fbpx
الشاعر أبو قيس المشألي يرثي الشهيد طماح:
شارك الخبر

قصيدة للشاعر ابو قيس المشألي يرثي الشهيد طملحً

“صورة العرض” هذا وعد مني “لطمّاح”

راس ابوقيس لما موت تبقى وشاحه

نام لك يا قرير العين بالقبر مرتاح

عاد بعدك يفاعة من كلد لا فلاحة

تحترق كلها بقعا براكين وارياح

ماخفض يافعي للعنجهية جناحه

راح طماح واحمد سيف واحمد علي راح

في سبيل الوطن من راح” حيا صباحه”

لاتقولون ذي راحوا سبب “حزب لصلاح”

داخل البيت “بنحدحد” شفار الذباحة

لا تقولون حق الحق والباطل انزاح

عادها باتقع ساحة وللخصم ساحة

عادها باتقع مهِره وسرحة ومرواح

لعنبو من طرح من فوق كتفه سلاحه

عادها باتقع للزرع بتلة وفقّاح

شدوا احزمتكم كلمتكم بالصراحة

آح انا آح قال المشألي آح انا آح

طول وقتي مُشرّد مامعي يوم راحة

عشت وأموت مثل الطير مكسور لجناح

ضاقت الارض ماحصلت فيها مساحة

هامدة “جثة أحلامي” بصندوق وضاح

قمة المهزلة والبلطجة والوقاحة

بنت بلقيس تحكمها طواغيت واشباح

ماتت القبيلة عند العرب والسماحة

أخبار ذات صله