كلمات/ علي منصور أحمد
عديم الحب ما ينحب .. خسارة يوم حبيتـــوه
ما بيني وبينه حب .. قدني أعرفه من هــوه

جبتوا الثوب والمشجب .. من العطر رشيتوه
قلتوا لين وأترطب .. شف هذا نصيبك هــوه

****
ما كنت به عاجب .. معي في الحب احنبتوه
وأحس أني معه بتعب .. قلتوا ما لك إلا هوه

غصبتوني بدون أرغب .. على قلبي فرضتوه
يعتب من عتب يعتب .. ما حد ذلني إلا هوه

****
قدامي ارتكز نصب .. غلطتوا يــوم نصبتوه
رجع لعادته يلعب .. وطبعه ما تغير هـــــوه

نصبتوه في الملعب .. على أمـــري ووليتوه
ومن بكره أتعصب .. وقال الرأي رأيه هـوه

****
مكانه ما قنع يكذب .. يجري بعد لي ذلـوه
لا أتعلم ولا أتهذب .. ما حد صادق إلا هوه

تعب قلبي ويتعذب .. جريمة فيه ورطتـوه
فؤادي منكم متعب .. ودف ما لقي إلا هوه

****
ولا شرق ولا غرب .. متنح مثلما جبتــوه
لا ابعد ولا قــرب .. مكانه على ما هــــوه

وضاع الفيد والمكسب.. من يداتكم ضعتوه
اللي ما عرف يحسب .. مابا يخسر إلا هوه

****

كونيش عدن

20 فبراير 2016م