fbpx
في ربيع الزهور !
شارك الخبر
في ربيع الزهور !

كلمات/ علي منصور أحمد
قالوا رجع ممزوز راسه..كنه في ربيع الزهـور
مشيب بس شبب لباسه .. في طله بهية بهــور

قالوا عاد مشتد باسه .. ريحة البارود منه يفور
مستأنس بقومه وناسه.. متعالي اعتراه الغرور

وذئب الخلاء يندرج
ملثم في الشوارع يدور

ما ظنها تنفرج
والغربان فيها والنسور

وجابوا ال با نافعه .. وقاموا حفل عند القبـور
عطوه القوة الدافعة .. بغوا لموات جنبه تثـور

أعطوه النصح شافعه .. ما يبغـوه يخرج يدور
ولقوا سوم بالرافعه .. قالوا عبود يحتاج سور

وذئب الخلاء يندرج
ملثم في الشوارع يدور

ما ظنها تنفرج
والغربان فيها والنسور

ما خلوا بجنبه سعه .. على باب الكفاية حضور
ما يبغون حد يسمعه .. قدهم في اموره خبـــور

كلن دق له مرفعه .. وجابوا المبخرة والبخور
وكلن للسماء يرفعه .. فرحانين به في سرور

وذئب الخلاء يندرج
ملثم في الشوارع يدور

ما ظنها تنفرج
والغربان فيها والنسور

حوله أغلقوا الدايره وهو جالس وسطهم يدور
في نشوة سلى عامرة .. وهم أبطالها والنمــور

وقالوا كلها سابره .. وطبعنا جميع الأمــــــور
بضاعة فاسده بايره ..هم راس البلاء والشرور

وذئب الخلاء يندرج
ملثم في الشوارع يدور

ما ظنها تنفرج
والغربان فيها والنسور

يمسي هو وربعه سلي.. يسولف وهم به جبور
ما كنه بها مبتلي .. او إحساسه عديم الشعــور

والشارع يضج يغتلي بعد اليوم ما هو صبور
وأنا ما ظنها تنجلي .. وعــاد الدائــرة با تدور

وذئب الخلاء يندرج
ملثم في الشوارع يدور

ما ظنها تنفرج
والغربان فيها والنسور

****
كورنيش عدن
10 فبراير 2016م

أخبار ذات صله