بين أمرين! | يافع نيوز
أخر تحديث : 05/12/2016 - 05:13 توقيت مكة - 20:13 توقيت غرينتش
القائمة الرئيسية
إعلان
بين أمرين!
بدون صورة

كلمات/ علي منصور أحمد
أخلصت لما هويتك .. سيتك على الرأس والعين
والقلـب يا ما روى .. عنــك تغـــزل دواويـــن

بين الروابي التقيتك .. سمعتك أحلى التــلاحيـن
ورفعت كأس الهـوى .. دقيـت بالكأس كأسين

طبعك كشف معدنك
بانت عليه التلاوين

وخذلــت من يأمنك
طلعت تلعب بحبلين

وأبليت في عشقتك .. وذقـــت منها الأمـــرين
ورميت قلبي سوى .. وصبت قلبي بسهميــن

عيــاب يا لومتـك .. أصليتنني الهجر والبيــن
صوبتني في الجوى .. قطعـت قلبـي بسكيـــن

طبعك كشف معدنك
بانت عليه التلاوين

وخذلــت من يأمنك
طلعت تلعب بحبلين

تحديت بك من تحدي .. نازلت بك في الميادين
بارزت ما حد هزمني .. بتــار سيفـي بحديـن

مديت لك حبل ودي .. فاتح لك القلـب بابين
سقطت من نون عيني .. طلعت تلعب بوجهين

طبعك كشف معدنك
بانت عليه التلاوين

وخذلــت من يأمنك
طلعت تلعب بحبلين

الدهــــر ما غيرك .. زادك على الطبع طبعين
وما استقر ناظرك .. شمـــــال وإلا يميــــن

كثر الطمع غـررك .. ما زلت تلعب بحبليـــن
بكره وبا ذكـــــرك .. أن ما تجي بينهن بين

طبعك كشف معدنك
بانت عليه التلاوين

وخذلــت من يأمنك
طلعت تلعب بحبلين

أحـــرمتني بلسمـــك .. عذبت قلبي سنين
الخوف إن أخسرك .. واندم عليك السنين

يا شل وإلا أطرحك .. حطيتني بين أمرين
وأخــاف إن أظلمك .. و أبكيـك دنيا ودين

طبعك كشف معدنك
بانت عليه التلاوين

وخذلت من يأمنك
طلعت تلعب بحبلين

****
كورنيش عدن

6 فبراير 2016م

شاركـنـا !

أترك تعليق
فيسبوك

Social Widgets powered by AB-WebLog.com.