fbpx
صارحه يا قلب!
شارك الخبر
صارحه يا قلب!

كلمات/ علي منصور أحمد
إلى متى يا قلب تتعذب بسبه .. وأنت بينك وبينه خطوتين
أن صدفـــت اللي تحبه .. ايش با تخســـر معه في كلمتين

صارحه يا قلب قل له .. سمعه انك تحبه خــاف قلبه يلين
كلمـــه وش فيك قل له .. بوح بالسر لي تعبتني به سنين

لا تخذ ذنبـــك و ذنبه
لا تحمل هًــم نفسـين

القدر مكتوب من ربه
جامع قـلوب المحبين

اسمع لرده واقبل به .. أن سكت وأبتسم فابتسم له بسمتين
وأن قال ما حبك وانته تحبه .. سامحــه وادع له دنيا ودين

وبا يبان لي قلت أنك ما تمله .. وانه تاج راسك والجبـــين
مليـت من حملك ومن حمله .. ابليتني يا قلب بالحب اللعين

لا تخذ ذنبـــك و ذنبه
لا تحمل هًــم نفسـين

القدر مكتوب من ربه
جامع قـلوب المحبين

لا تنكد حياتي بك وبه .. تعبت منك ومنه عذبتني السنـين
ضاق صدري بك وبه .. حتى النفــس ما عاد جــره بحين

وأن وفــق الله بينكم .. ريحـــوني منكم ســدوا بينكم بين
شاهد الله وأنا بينكم .. والناس لي يسمعوا كلهم شاهدين

لا تخذ ذنبـــك و ذنبه
لا تحمل هًــم نفسـين

القدر مكتوب من ربه
جامع قـلوب المحبين

****
عدن

5 فبراير 2016م

أخبار ذات صله