fbpx
يا أبن الناس!
شارك الخبر
يا أبن الناس!

كلمات/ علي منصور أحمد
عليتك على رأســي .. رفعتــك فـوق هذا الــرأس
وفضلتك على ناســي .. مميـــز بين كل النــــاس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

صارحتك بحبي لك .. شعوري صادق الإحساس
وما حبيت حد مثلك .. ولا هميــت قــول النـــاس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

طيفك ما يفارقنــي .. خيــالك ضيفـي الونــــاس
جرحك بس أحزني .. ويا عيبــاه يا بن النـــاس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

أحيــانا تكلمنـي .. وحــس انك رقيـق أحســــاس
وفي لحظة تهددني .. لسـانك طـال يا بن النـاس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

كلامك أمس حيرني .. كشف عن حقد ما ينقاس
تمنيتك تصــارحنــي .. ولا تسمــع كــلام النــاس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

شف مايسقط المبنى .. إلا من ربخ في السـاس
أن دققت في المعنى .. خذها من دروس الناس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

على ماذا تجافيني .. وترضي الواشي الدساس
وتستكثر تهنينـــي .. بهذا العــام مثـل النــاس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

على ايش تكرهنـي .. هــات ليا سبب حسـاس
وأن قررت تتركنـي .. قلها وأنت سيـد النـاس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

نادر معدني .. ماسي .. ما يهتــــز ليــــا رأس
ما مخلوق يفزعني .. وعاده ما خلق في الناس
على ايش تهجرني
على ايش يا بن الناس
إلا ليه تجـــرحني
وترضي بي عيال الناس

كورنيش عدن

2 يناير 2016م

أخبار ذات صله